PHUNON

PHUNON

civitas quondam Principum Edom, dein viculus, ubi aeris metalla damnatorum suppliciis effodiuntur. Hic castra. metati sunt filii Israel profecti de Salmona, Numer. c. 33. Latine, gemma, sive aspiciens. Hebr. Gap desc: Hebrew vel Phinon Gap desc: Hebrew, Patribus Phaeno, et Phennen et Fenon et Metallo-fenon scribunt; atque inde Phaenesia vel Phennesia metalla. Sic apud Eusebium, Histor. l. 8. c. 13. Silvano Ecclesiarum circa Gazam Episcopo et aliis undequadraginta caput amputatum est, κατὰ τὰ εν Φαινοῖ χαλκοῦ μέταλλα, ad aeris metalla, quae in Phaeno. Et in Athanasii Ep. ad Solitarios, narratur Eutychius εἰς μέταλλον ἀποςταλῆναι καὶ μέταλλον οὐχ ἁπλῶς, ἀλλ᾿ εἰς τὸ τῆς Φαινῶ, ad metallum fuisse missus, neque solum ad metallum, sed et ad metallum Phaeno. Sic apud Epiphanium in Meletianis, Meletius et alii multi in exilium acti sunt, ὑπεροριςθέντες εν τοῖς φαινησίοις μετάλλοις, ad Phaenesia metalla relegati. Theodoretum item, Histor. l. 4. c. 19. Τοῖς φεννεσιόις καὶ Προκοννησίοις παρεδίδοντο μετάλλοις, Ad Phennesia et Proconnesia metalla damnabantur. Nec multo post de quodam Damasi Diacono, Τᾶς κατὰ Φέννης παρεδόθη μετάλλοις᾿ ἔςτι δὲ ταῦτα τοῦ χαλκοῦ. Ad Phennes metalla damnatus est, quae sunt aeris metalla. Ita etiam Nicephorus Callistus, l. 11. c. 28. Sed disertissime Hieronymus in Locis; FENON, castra filiorum Israelis in deserto. Fuit autem quondam civitas Principum Edom, nunc viculus in deserto, ubi aeris metalla damnatorum suppliciis effodiuntur, inter civitatem Petram et Zoaram. Item, DEDAN est in quarto milliari a Metallo-feno contra Aquilonem. Hic itaque Idumaeae locus arris fodinis olim valde insignis, suppliciis proscriptorum, Christianorum inprimis, sub Imperatorlb. Gentilibus, inserviit; in quo Mosis tempore sumptum videtur aes, ex quo serpens aeneus fuit conflatus. Licet enim, in quo praecise loco erectus fuerit illustris hic CHRISTI typus, Scriptor sacer non dicat; inde tamen profectos Israelitas narrat castra posuisse in Oboth, Numer. c. 21. v. 10. Unde omnino sequitur, Phunon locum illum fuisse, nam hinc profecti castra in Oboth metati dicuntur, Numer. c. 33. v. 43. Neque id fortasse sine mysterio: Sic enim significaripotuit, corpus, quod Christus assumpsit, non aliunde fuisse allatum, sed ibi natum et formatum, ubi in carne manifestatus est. Tandem vero defecisse seu potius neglecta fuisse haec metalla, colligitur ex illis Aristeae in Histor. de LXX. Interpretibus, Ἐλέγετο δὲ καὶ ἐκ τῶ παρακειμένων ὀρέων τῆς Ἀραβίας μέταλλα χαλκᾶ καὶ σιδηρᾶ συνίςταςθαι πρότερον. ἐκλέλειπται δὲ ταῦτα, καθ᾿ ὃν ἐπεκράτησαν χρόνον Πέρσαι, Narrabatur etiam ex Arabiae montibus (Iudaeae) vicinis, prius metalla aeris et ferri fuisse eruta: sed ea defecisse (i. e. neglecta fuisse, ut ex sequentib. constat) quô tempore Persae rerum potiebantur. S. Bochart. Hieroz. Part. poster. l. 3. c. 13.